1. Hemû Nûçe

  2. Nûçe

  3. ‘Wa beşê Kirmanckî yê ANFyî xêrin bo’
‘Wa beşê Kirmanckî yê ANFyî xêrin bo’,wa,beşê,kirmanckî,yê,anfyî,xêrin,bo

‘Wa beşê Kirmanckî yê ANFyî xêrin bo’

Rojnamegere Canan Efe û Parlamenterê HDPyî yê Amedî Hîşyar Ozsoyî bi mesajêk ajansê ma ANF de abîyayîşê beşê Kirmanckî (Zazakî) bimbarek kerdî.

A+ A-

Rojnamegere Canan Efe ke Stêrk TVyî de programanê kirmanckîyan virazena û bi programê Ware yena naskerdene, ANF de abîyayîşê beşê kirmanckî ser o keyfweşîya xo arde ziwan.

Efe dîyar kerde ke dewleta tirkî bi qedexe û zextê vera ziwanê kurdan de wazena ke kurdan qir bikera û wîna domna:’’ Vera neyî de wayîrvejîyayîşê ziwanî zaf muhîm o. Coka na gama ANFyî seba ziwanê kirmanckî gamêka erjaye ya. Ma zî seba ziwanê xo çi ke ma dest ra bêro ma kenî û paştî danî na xebate. Ma seba naye ANFyî û yê ke emegê ci tede esto fîraz kenê û ci rê serkewtiş wazenî.’’

Parlamenterê HDPyî yê Amedî Hîşyar Ozsoyî zî ANF de abîyayîşê beşê kirmanckî bimbarek kerd û wina va: “No seba ziwanê dadîye zaf muhîm o. Ganî peroyê şarê ma xeberanê xo hinda ANF-Kirmancakî ra biwanê û wayîrê ziwan û ajansê xo bivejîyo.’’