Li vir, -bêy te- 
bi tenê me 
Ji nişka ve tu nediyar î, kanî tu? 
tu li vir nemayî. 
tu bêxatirxwestin berzebûyî 
tenha hiştim, 
demeke teng e, 
bo çi tu diçûyî??? 
Min bêrya te kiriye.

Payiz e... ger gula dawî pelên xwe derbixe, 
li ser mêzê mûm heye.
 tenê.. tenê dil têdigihe,
 mejî nabîne:
 Ev destpêka dawiyê ye, dem ji qêrînê ranaweste

Tirsa jibîrkirinê, gelek roj bi ser xatirxwestina te ve derbas bûn
 gelek demhijmêr, 
min hemî rakirin, 
ji min dûrketî. 
Tu çûyî, dîmenê te bû cama avlêbûyî. Tirsa min ji wê ye, rojek bihêt û ez te jibîr bikim. Te carekê destê xwe dabû min, xewneke xemgîn bû. Berya tu biçûya mirinistanê û bûbaye toz 
û ez hîn sax… 
careke din min tu dîtibaya 
careke din, destên te rengê henasa min sor bikira 
bêhna giyanê te bikiraya.

Giyanê min xwînê dibarîne. 
dilê min diqîre
 şopa vedenga peyvên te hilim dike.
 çavên min pêrgî awira te dibin, tu dibî ronî 
xalên li ber xwe yek bi yek winda dikî
 bendemana hêviyekê yî, 
şopa te hildigire 
di vê rojê de,
 roja me ya dawî ye.

Tu nikarî behwer bikî, ka destpêk çendî zor e
 sîber bi tirs û saw e, êş e, azar e,
 îske-îskên te şînê didizin, 
roj tarî ye, 
benckirî ye, ya ez ji bo rojeke din amade dikim 
sîberê xwe bi ser de avêtiye, 
tîrêjên rojê nagihin.

Bêriya te dikim, 
min ji xwedê dixwest tu li vir bûya. 
gelek caran berê xwe bi hêla te ve dikim, dibêjim belkî te himbêz bikim 
tenê dixwazim nêzîkî te bim. 
Dê kêfxweş bûma,
 ger tenê di himbêza te de bûma.
 Gelek caran hizra te dikim, ji xwe dipirsim: 
 gelo ew hestê bi min re, bi te re jî çêdibe? Ew xêzên tu niha dibînî
 ne dawiya gerdûnê ye 
ew hizra min berbi valabûnê ve dibe 
 min jîndar dike

Her roj li wê xêzê digerim 
wek tîrêjên rojê dibînim 
ji xwe dipirsim
 heyv vê xêzê danaqurtîne?

Li dawiyê, geşta te ya dirêj dest pêkir 
tirsnak.. 
gelek dilovan
 li dawiyê 
ma ev tîrêj
 bermayê te ne??

Li dawiy
 li ser rûniştgeheke ewrane
 mîna her car
 dê tenahiyê bibînim, 
dîsan dê pêk ve bin ! Daristan ji çavên te rengên xwe wergirtin: Welatê min