Piştî Lijneya Bilind a Hilbijartinê (YSK) der barê parlamenter Hatip Dicle de biryara betalkirina parlamenteriyê girt, rêxistin û saziyên kurdan bertekên xwe yek bi yek diyar dikin.

Serokê kevin ê BDP'ê û parlamenterê Mêrdîn Ahmet Turk jî da xuyakirin ku dest û lingê gel ne girêdayî ne û gel birêxistin e, dê muxalîfiya demokratîk bi awayê xurt nîşan bide.

Ahmet Turk li Amedê di civîna Kongreya Civaka Demokratîk (KCD) de axivî. Turk der barê biryara YSK'ê de helwestek tûj nîşan da.

Ahmet Turk anî ziman ku Tirkiye ber bi kaosekê ve diçe û ev biryar bingeha vê yekê ye.