Ji Weşanên Ronahî berhemeke nû..

Weşanxaneya Ronahî berhemek nû pêşkeşî xwendevanên xwe kir. Berhema Mihemed Ronahî ya bi navê “Daristanê” vê hefteyê ji weşanxaneya ronahî hat weşandin. Berhem ji heşt çîrokan pêk tê û di her çîrokekê de serboriya darekê tê vegotin. Di van çîrokan de bi taybetî dar weke semboleke ji Kurdistanê ne. Di her darekê de birîneke kurdan tê zimên. Mihemed Ronahî beriya vê berhema xwe bi romana xwe ya bi navê Bendewarên adarê derketibû pêşber xwendevanan niha jî bi çîrokan berhema xwe ya duyem der bir.