Zagros û Zerdeşt, yekem romana nivîskar û rojnamevan Mahabad Felat Arda ji aliyê Weşanên Lîsê ve hate weşandin. Nivîskar bi riya vê romana xwe rewşa bakurê Kurdistanê ya di navbera 1978 û 1992’yan de darî çavan dike û di kesayetiya malbateke welatparêz de sosyopolîtîkaya herêmê, sosyopsîkolojiya gel, rewşa rêxistinên siyasî, bûyer û qewimînên demê û bandora wan a li ser gel dihone. Roman bi mînakên trajediyên jiyana gelê Kurd ve dagirtî ye, ku dem bi dem mirovan di nava agirê hestiyariyeke kûr de dikelijîne. Her wiha nivîskêr di heman demê de cî bi cî bi ziman û pêkenî, metelok û gotinên pêşiyan ve jî vegotina xwe dewlemend kiriye. Di romanê de, herêmên ku bûyer lê qewimîne, bi rengekî dewlemend hatine vegotin û şayesandin, ku mirov qet neçûbe wan deran jî, bi van vegotinan mirov dibe xwedî agahiyên dîrokî û cografî yên wan herêman û mirov xwe li wan der û waran dibîne.

Zagros û Zerdeşt Mahabad Felat Arda Roman, 262 rûpel Adar 2011 Weşanên Lîs / Amed

Kooperatifler Mah. Öğretmenler Sok. Feray Apt. No: 1 Yenişehir-Diyarbakır Telefon / Fax: 0 412 228 97 76 e-mail: [email protected] www.wesanenlis.com