Dilawer Zeraq, bi romana Nexşên Li Giyan, sêyemîn xeleka Sêyîneya Winda temam dike.

Zeraq, di romana yekem a sêyîneyê de (Şevên Winda Wêneyên Meçhûl), em bi êşa ku di can û dilê hevserên windayan de çêbûye, di romana duyem a sêyîneyê de (Mirina Bêsî), em bi êşa ku di can û dilê hezkiriyên windayan de çêbûye, dabûn hisandin. Di romana Nexşên Li Giyan de jî, me bi êş û jana ku di dil û can û giyanê dayikên windayan de çêbûye, dide hisandin. Û bi tevî van jî, bi biwêdekirina heyîniya ku bes bi fizîkî û laşî tê qebûlkirin, bala me dibe ser giyanên ku “hebûniyeke dîtir ava kirine” û nexşên xwe li ser xakê çêkirine. Û em piştî xwendina vê romanê, careke dî têgihên sedem û awayên “hebûn” û “tunebûn” û “windabûnê” didin ber pirsyaran…

Em jî mîna malpera Amîda Kurd, romana nû ya nivîskarê kurd, dostê heja û yek ji nivîskarên malpera me Dilawer Zeraq pîroz dikin.

Nirxandina Omer Dilsoz a Nexşên Li Giyan: http://www.yuksekovahaber.com/yazi/para-psikoloji-di-nexsen-li-giyan-de-3850.htm