Nêçîrvan Barzanî, Serokî Hikumetî Herêmî Kurdistan dawa le Botan Mehmûd Usman berêweberî Fermangey Teknelociyaî Zaniyarî Hikumet dekat bigerêtewe ser karekey û be kesêkî pak wesfîdekat.

Samî Ergoşî, Sikirtêrî Rojnamevanî Serokî Hikumetî Herêmî Kurdistan le welamî pirsiyarêkî (Rûdaw) da le barey ladanî Botan Mehmûd Usman Berêweberî Giştî Fermangey Teknelociyaî Zaniyarî IT le postekey raygeyand "hîç fermanêk le layen Serokî Hikumetî Herêmî Kurdistan derneçûwe bo ladanî katî yan ladanî berdewam yaxud gorînî berêz Botan Mehmûd Usman, her weha berêz Nêçîrvan Barzanî Serokî Hikumetî Herêmî Kurdistan pêyîuwaye berêz Botan Mehmûd Usman, kesêkî lêhatû û pake û dawaşî lê dekat be gurtînêkî ziyatirewe le ser karekey berdewam bêt". Her weha sikirtêrî rojnamevanî Serokî Hikumetî Herêmî Kurdistan gutîşî "hemû fermanêkî ladan U gorînî Berêweberî Giştî Fermangey Teknelocî Zaniyarî Hikumetî Herêmî Kurdistan le deselatekanî ewdaye wek Serokî Hikumet, belam Nêçîrvan Barzanî le seretay dananî Berêz Botan Mehmûd Usmanewe lew poste da, bawerî be tiwanakanî hebûwe, dawa le hemû karmendanî fermangekeş dekat ke beşêweyekî tewaw hawkarî biken bo serkewtinî karekanî ew wek berêweber û karekanî fermangeke".

Botan Mehmûd Usman, duwênê 25/9/2012 le rûnkirdineweyek da bo ray giştî bilawîkirdewe ke rojî 18'î ew mange Serokî Dîwanî Encûmenî Wezîranî Hikumetî Herêmî Kurdistan pêyî rageyand ke mawey mangêk biçête molet, ewîş namey dest le karkêşanewey bo Serokî Hikumet nard.

Le mawey çend mangî rabirdû da le çend rojnameyek hendê raport le ser Fermangey IT bilawkiranewe, Botan Mehmûd Usmanîş welamî ew raportaney dayewe, her weha Botan Mehmûd Usman le rûnkirdinewekey da delê ke be belge welamî lîjney çaksazî ser be Dîwanî Serokayetî Herêmî Kurdistanîşî dawetewe le katî lêkolîneweyan le barey fermangekeyanewe. Her weha delê pirsiyarî serekî ew lîjneye le barey xawî karekanî fermangekeyan bûwe, ke Botan Mehmûd Usman le rûnkirdinewekey da hokarî Serekî degerêênêtewe bo ewey ke "budcey pirojekanî fermangeke le salanî 2010, 2011, 2012 sifir bûwe".