Li Swêdê 83 kesan, ku di nav wan de serokê Partiya Çep Lars Ohly, ji Partiya Çep û Partiya Sosyaldemokrat 12 parlamenter, siyasetmedarên şaredariyan, rojnamevan, hunermend, mamoste, nivîskar, artîst, xwendekar û hwd hene, bi daxuyaniyeke hevbeş biryara Lijneya Hilbijartinê ya Tirkiyê ya di derbarê astengkirina namzetên serbixwe protesto kirin û piştgiriya xwe ji bo wan diyar kirin. Însîyatîfgirên vê çalakiyê mamoste û nivîskar Haydar Diljen û siyasetnas Hediye Guzel tiştên ku niha li Tirkiyê û Kurdistanê diqewimin pir ciddî dibînin û weha dibêjin: - Tirkiyê di pêvajoya demokratîkbûnê de çend gav paşde avêtin. Ev biryar siyasî ye û divê tavilê bê betalkirin.

Ji bo peywendî û agahîyên pirtir: Hediye Guzel, Însîyatêfgir,+46-70 306 66 03 Haydar Diljen, Însîyatîfgir , +46-70 171 15 08

Temamê daxuyaniya ronakbîr û siyasetmedarên kurd û swêdî weha ye: Em biryara vetokirina namzedîya kurdan ya ji bo hilbijartinê protesto dikin! Lijneya Bilind ya Hilbijartinê ya Tirkiyê rê li ber nûnerîya kurdan a parlamentoya Tirkiyê girt. Heşt namzedên kurd veto kirin. Li gor biryara lijneyê Hatîb Dîcle, Leyla Zana, Gulten Kişanak, Sebahat Tuncel, Şerafettîn Efe, Salih Yildiz, Ertugrul Kurkçu û Îsa Gurbuz nikarin bibin namzedên parlamentoyê. Gulten Kişanak û Sebahat Tuncel niha parlamenter in. Bi ya me ev biryar, biryareke siyasî ye. Di pêşengîya BDPê de cara yekem platformeke fereh a demokrasî û azadîyê ya hevbeş ya ji kurd û tirkan pêkhatî ava bû. Herweha BDPê yekî suryan jî wek namzed nîşan da. Bi vê helwestê dê di dîroka komara Tirkîyê de cara yekem yekî suryan di parlamentoya Tirkiyê de bê temsîl kirin. Ji bo ku kurd nikaribin di parlamentoya Tirkiyê de bên temsîl kirin ji dema cuntaya leşkerî ya 1980ê ve ye ku benda hilbijartinê ya ji %10 danîne ber kurdan. Di hilbijartina berê de DTP ji bo ji vê astengê rizgar bibe, bi namzedên serbixwe ket hilbijartinê. DTPê 21 parlamenter derxistin û di parlamentoyê de gruba xwe ava kir. Paşê, wek bi dehan partîyên kurd ên din, DTP jî hat girtin û di cihê wê de BDP hat ava kirin. Hemû gruba DTPê derbasî BDPê bû. BDPê di parlamentoya Tirkiyê de di warê çareserîya pirsa kurd û demokratîkbûna Tirkiyê de karên gelek hêja kirin û hin tabû şikandin û bû dengê gelê kurd û hemû hêzên demokrasîxwaz ên Tirkiyê. Ji van tabûyan yek jî di parlamentoya Tirkîyê de axaftina bi kurdî bû. Li gor hemû lêkolînên ku heta niha li ser encamên hilbijartinê hatine kirin, dê DTP ji 30ê pirtir parlamenteran derxîne. Bi vê biryara Lijneya Hilbijartinê carek din diyar bû ku dewlet û hikumeta AKPê ji vê yekê nerehet in û naxwazin kurd siyaseteke aştîyane bikin. Em encamên vê siyasetê gelek bi xeter dibînin. Ku rêya siyaseta legal a di zemîna demokratîk û aştîyane de li kurdan bê girtin dê rêya şer bi tenê bimîne û ew jî dê li Tirkiyê û Kurdistanê rewşa siyasî aloztir bike. Loma em daxwaz dikin ku dewlet û hikumeta Tirkiyê dev ji siyaseta înkara kurdan berdin û rêya aştîyana ya çareserîya pirsa kurd vekin. Ev biryara dewletê, mafê hilbijartinê yê kurdan binpê dike; hêvî û xeyalên kurdan ên ji bo çareserîyeke aştîyane ya pirsa kurd dişkîne. Loma ji niha ve li Tirkiyê û Kurdistanê bûye sedema alozîyeke mezin. Em kesên ku navên me li jêr hatine nivîsîn, vê biryara siyasî û antî demokratîk şermezar dikin. Her weha: - Em daxwaz dikin ku ev biryar bê betal kirin û îmkan bên dan ku kurd û hemû hêzên din, bi awayekî azad, parlamento jî tê de, di her asta civakê de beşdarî xebata siyasî bibin - Em daxwaz dikin ku dewleta tirk ji bo çareserîya pirsa kurd rêya aştîyê hilbijêre, ne ya zordestî û şidetê. - Em daxwaz dikin ku Yekitîya Evrûpayê û Swêd bi awayekî vekirî vê biryarê şermezar bikin û piştgirîya mafê mirovan û mafê beşdarbûna hilbijartinê ya namzedên serbixwe bikin.

Ahmed Karamus, Ombudsman Aisha Didar Göktepe, Rêvebira bernameya TV & werger Ala Riani, Siyasetnas Alexandra Esser, Teknîkera deng Ali Bulut, Ajokar Arjen Diljen, Mihendîs Aysel Dayan, Xwendekar Azad Faruk Aslan, Endamê meclîsa şaredariyê, Söderhamn Bahman Ghanbari, Derhênerê muzîkê/hunermend Bawar Ismail, Endamê meclîsa şaredariyê li Nybro & serokê ciwanên lîberal ( LUF) li Kalmarê Bekir Madon, Teknîkerê kompîtorê Berivan Öngörur, Sekretera pirsên navneteweyi ya Partiya Çep û Siyasetmedara Şaredariyê Berivan Yildiz, Rêvebira projeyê ya şanoya neteweyî/riksteatern Birgul Özbaris Arda, Nivîskar/Rojnamevan Berrin Sahin, Ekonomîsta neteweyî/Nationalekonom Dilara Cetinkaya, Redaktora minaqeşeyê li beyan.net Dilsa Demirbag-Sten, Rojnamevan/Nivîskar Dr. Chato Rasoal, Mamosteyê zanîngehê Dr. Osman Aytar , Sosyolog Dr. Welat Zeydanlioglu, Sosyolog Egon Frid (S) Serokê herêmê yê Partiya Çep û, siyasetmedarê şaredariyê, Skaraborg Ekîm Güven Berk Mamoste Emîne Evcî, Karmenda karê civakî Emîre Bulut Karmenda zaroknêrînê Eva Katz Larsson, Rojnamevan/hunermend Evin Cetin, Sekretera siyasî ji Partiya Sosyaldemokrat (S) Fatih Kosmaz, Mihendîs Ferah Bozcali, Gabar Çiyan, Cîgirê serokê CHAKê Gulan Avci, Endama meclîsa şaredariya Stockholmê Gün Sahin, Li serokwezaretê lêkolîner Gursel Dayan, Hunermend/derhêner Hakan Vreskala, Musiker Halit Kosmaz, Mihendîs Hans Linde, Parlamenter, Berdevkê Partiya Çep ê pirsên derve Haydar Diljen Otlu, Nivîskar/mamosteyê kurdî Herman Mavane, Rêvebirê bernameya TVê Heci Kardoxi, Rêvebirê Radyoya Aştîyê Hediye Güzel, dewletnas & Encumena muxalefetê (V) Hiwa Zandi, Rojnamevan Ismaîl Özturk, Şîrketdar Jiyan Vakifahmetoglu, Karmendê muzeyê Jacob Jonsson, Parlamenterê Partiya Çep (V) John Hörnquist Serokê Partiya Çep ê herêma Stockholmê (V) Jonas Sjöstedt, Parlamenterê Partiya Çep (V) Josefin Brink Parlamentera Partiya Çep (V) Josef Erdem, Mamosteyê kurdî/Siyasetmedarê şaredariyê yê Partiya Sosyaldemokrat (S) Kalle Larsson, Rêvebirê komîteya navendî ya Partiya Çep (V) Kawe Emin, Rojnamevan Kemal Görgü, Hunermend Christina Höj Larsen Parlamentera Partiya Çep (V) Lars Ohly, Serokê Partiya Çep (V) Lena Olsson, Parlamenterê Partiya Çep (V) Leyla Celik, Seroka Partiya Çep ya Borlängeyê û endam meclîsa şaredariyê (V) Mahabad Felat Arda, Nivîskar/Rojnamevan Mahir Taha, Rojnamevan Mahmut Kiper, Socionom Mediya Royan, Xwendekar Mizgîn Bingol, Rojnamevan Murat Karatas, Şîrketdar Naîle Aras, Endama komîteya Navendî ya Partiya Çep (V) Nurten Aras, Mamoste Orhan Bêrti, siyasetmedar Remzî Kerîm, Mamosteyê kurdî Roshan Yîgît, Xwendekar Roza Güclü Hedin, Parlamentera Partiya Sosyaldemokrat Rozerîn Kahraman, Hunermend Sabiha Otlu, Pedagoga taybetî Sait Yildiz, Serokê KF ê Södertäljeyê Sakîne Madon, Rojnamevan & nivîskar Serpil Inanc, Artîst/hunermend Shadiye Heydari, Parlamentera Partiya Sosyaldemokrat (S) Sîdar Yîgît, Etnolog Sores Armanc, Nivîskarê kurd.se Suzana Barmanî, Hunermend Yekbûn Alp, Endama komîteya rêvebir ya Partiya Çep ya Uppsalayê (V) Ulla Andersson, Parlamentera Partiya Çep (V) Uso Kurdman, Nivîskar Zekeriya Yazar, Xwendekar Zian Zandî, Rojnamevan Zîn Kahraman, Xwendekar Zinarê Xamo, Nivîskar Özz Nujen, Şanoger/artîst